Yaz çağırışına həsr olunmuş poliatlon çoxnövçülüyü üzrə Bakı çempionatı başa çatdı

 AzDBTİA-nın stadionunda 17-19 yaşlı yeniyetmə və gənclər arasında yaz çağırışına həsr olunmuş poliatlon çoxnövçülüyü üzrə Bakı çempionatı keçirilmişdir. Bakı Şəhər Gənclər və İdman Baş İdarəsi tərəfindən təşkil olunan yarışda 11 komanda tərkibində 66 nəfər idmançı iştirak etmişdir. Şəxsi və komanda hesabı ilə keçirilən yarışların proqramına 100 m məsafəyə qaçış, turnikdə dartınma və qumbara atma növləri daxil edilmişdir. Komanda hesabında I yerə Xətai rayon komandası, II yerə Binəqədi rayon komandası, III yerə Nərimanov rayon komandası, şəxsi hesabda I yerə Nəcəfli Kamran (Xətai rayonu), II yerə Xəlilov Əli (Nərimanov rayonu) və III yerə Rüstəmov Ruhin (Xətai rayonu) layiq göülmüşlər. Yarışda I və II yerləri tutmuş komandalar 1-5 may 2013-cü ildə İsmayıllı şəhərində keçiriləcək respublika final mərhələsinə vəsiqə qazanmışlar.

Yarışın sonunda qaliblər xatirə hədiyyələri və müvafiq dərəcəli diplomlarla təltif olunmuşlar.