Bakı məktəblilərinin XXV spartakiadası sona çatdı

Bakı şəhər məktəbliləri arasında keçirilən XXV spartakiadanın proqramına daxıl olan “Cırtdan” növü üzrə yarış sona çatmışdır. Xətai rayonu ərazisində yerləşən 15 nömrəli Uşaq-Gənclər İdman Məktəbində keçirilən II-IV sinif şagirdləri arasında “Cırtdan” yarışında

1. Yeri Xətai rayonu 269 nömrəli tam orta məktəbin komandası,
2. Yeri Suraxanı rayonu 278 nömrəli tam orta məktəbin komandası,
3. Yeri Qaradağ rayonu 288 nömrəli tam orta məktəbin komandası,
4. Yeri Sabunçu rayonu 169 nömrəli tam orta məktəbin komandası,
5. Yeri Xəzər rayonu 181 nömrəli tam orta məktəbin komandası,
6. Yeri Nizami rayonu 227 nömrəli tam orta məktəbin komandası,
7. Yeri Nərimanov rayonu 45 nömrəli tam orta məktəbin komandası,
8. Yeri Binəqədi rayonu 244 nömrəli tam orta məktəbin komandası
9. Yeri Yasamal rayonu 13 nömrəli tam orta məktəbin komandası tutmuşlar.

Bakı Şəhər Gənclər və İdman Baş İdarəsi və Bakı şəhəri üzrə Təhsil İdarəsi tərəfindən birgə təsdiq olunmuş əsasnaməyə müvafiq olaraq keçirilən XXV spartakiadanın dama, şahmat, stolüstü tennis, voleybol (qızlar və oğlanlar arasında), basketbol (qızlar və oğlanlar arasında), dördnövçülük (qızlar və oğlanlar arasında), mini-futbol, güllə atıcılığı və “Cırtdan” növləri üzrə yarışlarından sonra Sabunçu rayonu 32 xalla I yerdə, Nərimanov rayonu 54 xalla II yerdə, Xəzər rayonu 62 xalla III yerdə, Qaradağ rayonu 66 xalla IV yerdə, Xətai rayonu 80 xalla V yerdə, Səbail rayonu 80 xalla VI yerdə, Nizami rayonu 89 xalla VII yerdə, Suraxanı rayonu 94 xalla VIII yerdə, Yasamal rayonu 96 xalla IX yerdə, Binəqədi rayonu 101 xalla X yerdə və Nəsimi rayonu 141 xalla XI yerdə qərarlaşmışlar.