Paytaxt şahmatçılarımızın növbəti uğuru

12-21 iyul 2012-ci il tarixdə Gürcüstan Respublikasının Poti şəhərində keçirilən “Nana Aleksandriya 2012 Kuboku” uğrunda 6-cı Beynəlxalq Şahmat Festivalına Bakı Şəhər Gənclər və İdman Baş İdarəsinin maliyyə dəstəyi ilə 5 qat respublika çempionu, məktəblilər arasında dünya çempionu Beynəlxalq Usta Zaur Məmmədov, Avropa və dünya mükafatçısı Nərmin Məmmədova ezam olunmuşlar. 11 ölkəni təmsil edən 148 idmançının iştirakı ilə keçirilən “Open” turnirində Z.Məmmədov beynəlxalq reytinqini yüksəltmiş, 13 yaşlı N.Məmmədova isə 16 yaşadək qızlar arasında 9 oyundan 5 xal toplayaraq 3-cü yeri tutmuşdur.
İdmançılarımızı təbrik edirik.