“Ozümüzü narkomaniyadan qoruyaq” adlı küçə aksiyası keçirilmişdir

Bakı şəhər Gənclər və İdman Baş İdarəsi tərəfindən “Narkomaniya və narkobiznesə qarşı beynəlxalq mübarizə günü”nə həsr olunmuş “Ozümüzü narkomaniyadan qoruyaq” adlı küçə aksiyası keçirilmişdir. Aksiya zamanı Sahil bağında və şəhərin müxtəlif yerlərində əhali arasında narkomaniyanın fəsadlarından bəhs edən 500-dən çox  buklet və braşuralar Bakı şəhər ictimaiyyətinə paylanmış, onlara tədbirin məqsədi barədə məlumat verilmişdir.

Ölkə başçısının sərəncamı ilə narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın yayılması ilə mübarizə üzrə Proqram təsdiq edilib. Narkomaniya ilə mübarizə istiqamətində də  Bakı şəhər Gənclər və İdman Baş İdarəsi çox saylı tədbirlər həyata keçirir.

Onu da qeyd edək ki, rəsmi statistikaya görə, artım hər il təxminən 1000 nəfər təşkil edir. Statistik məlumatlarda ölkədə 27 min nəfər yaxın narkoman olduğu bildirilir. Bu rəqəm 2010-cu ildə 25 min 489 nəfər təşkil edib. Təəssüf edici hal odur ki, narkomaniya gəncləşməkdədir.