İslam Həmrəyliyi Oyunlarında iştirak etmiş Azərbaycan komandasının bir qismi vətənə qayıtmışlar

İndoneziyanın Palembanq şəhərində keçirilən III İslam Həmrəyliyi Oyunlarında iştirak etmiş Azərbaycan idmançılarımızın bir qismi Bakıya qayıtmışlar.
Heydər Əliyev beynəlxalq aeroportunda idmançılarımızı Bakı şəhər Gənclər və İdman Baş İdarəsinin rəisi Raqif Abbasov, Gənclər və İdman Nazirliyinin nümayəndələri, idman həvəskarları və kütləvi informasiya vasitələri qarşılamışlar. İdmançılarımız milli musiqi sədaları altında  gül -çiçəklərlə qarşılanaraq əldə etdikləri qələbələrə gorə idman ictimaiyyəti tərəfindən təbrik edilmişlər. İdmançılarimiz isə öz növbəsində əldə etdikləri qələbələri Azərbaycan xalqına həsr etdiklərini bildirmişlər.
Xatırladaq ki,  Azərbaycan idmançılarının aktivindəki medalların sayı 24-ə yüksəlib.