Sabir Hüseynovun şərəfinə həsr olunmuş sambo üzrə Bakı şəhər açıq turniri

     Bakı şəhər Gənclər və İdman Baş İdarəsi tərəfindən Şağan Olimpiya İdman Kompleksində Sabir Hüseynovun şərəfinə həsr olunmuş sambo üzrə Bakı şəhər açıq  turniri  keçirilmişdir.  Turnirdə Neftçi İSM, Zenit ISM, Yasamal Sambo İK, İsmayıllı, Şamaxı, Ağdam, Yevlax, Ağsu, Turan İK-nı təmsil edən 180 nəfər idmançı 10 çəki dərəcəsi üzrə mübarizə aparmışdır. Nəticələrə görə 42 kq çəki dərəcəsi üzrə Babayev Kənan (Neftçi İSM), 46 kq çəki dərəcəsi üzrə İbişov Kənan (Yasamal Sambo İK), 50 kq çəki dərəcəsində Məmmədov Firad (Zenit İSM), 55 kq çəki dərəcəsində Ağayev Balabəy (Yasamal Sambo İK), 60 kq çəki dərəcəsində Hüseynov Elmin (Nəqşi-Cahan), 66 kq çəki dərəcəsində Əhmədov Asim (Yasamal Sambo İK), 72 kq çəki dərəcəsində Cəfərov Hasil (Turan İK), 78 kq çəki dərəcəsində Əfəndiyev Elşən (Nəqşi-Cahan), 84 kq çəki dərəcəsində İskəndərov Hüseynəli (Neftçi İSM), +84 kq çəki dərəcəsində Axundov Məhəmməd (6№-li UGİM) I yerlərə layiq görülmüşlər.

     I, II və III yeri tutmuş idmançılar Baş İdarə tərəfindən müvafiq dərəcəli diplomlar və xatirə hədiyyələri ilə mükafatlandırılmışlar.