Şahmatçımız Cenevrədən uğurlu nəticə ilə qayıtmışdır
22-29 iyul 2014-cü il tarixdə İsveçrənin Cenevrə şəhərində FİDE-nin xətti ilə yüksək səviyyəli şahmat seminarı bə blits turnir keçirilmişdir. Dünyanın ən güclü gənc qadın şahmatçılarının iştirak etdiyi turnirə ölkəmizdən ilk dəfə olaraq Avropa və Dünya birincisi FİDE ustası Günay Məmmədzadə dəvət almışdır. Bakı şəhər Gənclər İdman Baş İdarəsinin dəstəyi ilə ezam olunan Günay Məmmədzadə bu mötəbər tədbirdə uğurla iştirak etmiş, 10 ölkəni təmsil edən idmançılar arasında ən kiçik olmasına baxmayaraq turnirdə 4-cü yeri tutmuşdur.