“18 oktyabr-Müstəqillik günü” münasibətilə “Breyn-rinq” intellektual oyunu keçirildi.
Bakı şəhər Gənclər və İdman Baş İdarəsi və Xəzər İntellektual Gənclər Klubunun birgə təşkilatçılığı ilə Rəşid Behbudov adına Mahnı Teatrında “18 oktyabr-Müstəqillik günü” münasibətilə Bakı şəhərində yerləşən ümumtəhsil müəssisələrinin şagirdləri arasında “Breyn-rinq” intellektual oyunu keçirildi. Oyunda 16 komanda mübarizə apardı. Nəticələrə görə I yerə Yasamal rayonu “Onside” komandası, II yerə Nizami rayonu “Zəngi liseyi”, III yerə Yasamal rayonu “Dəyanət” liseyi layiq görüldülər.
Tədbirin keçirilməsində məqsəd Azərbaycan Gəncliyi Dövlət Proqramı (2011-2015 ci illər)nin icrası, yeniyetmələrin intellektual və mədəni səviyyəsini inkişaf etdirmək, asudə vaxtlarının səmərəli təşkili, mədəniyyətimizin, ədəbiyyatımızın, ana dilimizin, dinimizin, torpağımızın tarixini daha da dərindən oyrənmək, ümumbəşəri və milli dəyərlərə yiyələnmək, dünyagörüşünü genişləndirməkdən ibarətdir.
