İdmançıların yola salma mərasimi keçirilib

   Bu gün Azərbaycan Rus İcmasının Rus Mədəniyyəti Mərkəzində Azərbaycan Rus İcması və Bakı şəhər Gənclər və İdman Baş İdarəsinin birgə təşkilatçılığı ilə Rusiya Federasiyasının Soçi şəhərində keçiriləcək 11-17 aprel 2015-ci il tarixdə I yeniyetmələrin (rusdilli) oyunlarına yola salma mərasimi keçirilmişdir. Tədbirdə Azərbaycanda fəaliyyət göstərən Rus Mədəniyyəti Mərkəzinin rəhbəri Denisov Valentin Petroviç, millət vəkili Mixail Zabelin, Bakı şəhər Gənclər və İdman Baş İdarəsinin rəisi Raqif Abbasov, Sidney Yay Olimpiya oyunlarının çempionu Zemfira Meftahətdinova və digər rəsmi qonaqlar iştirak etmiş, gənc idmançılara öz tövsiyyələrini və tapşırıqlarını vermişlər.
Gənclər və İdman Nazirlyi və Bakı 2015 Avropa Oyunları Əməliyyat Komitəsinin (BAOƏK) təqdim etdiyi idman geyimləri, I Avropa Oyunları ilə bağlı suvenirlər Azərbaycan yığma komandasına təqdim edilmişdir.

   Qeyd edək ki, yarışlarda Azərbaycanı 3 idman növü üzrə (voleybol, basketbol, şahmat) 22 idmançı təmsil edəcəkdir.