“Sənin səsin – sənin gələcəyin” devizi altında Nərimanov rayonunda ilk dəfə səs verəcək gəncləri ilə konfrans keçirilib.
“Sənin səsin – sənin gələcəyin” devizi altında Nərimanov Rayon İcra Hakimiyyətinin iclas zalında Nərimanov Rayon Gənclər və İdman İdarəsi tərəfindən Azərbaycan Respublikasının Milli Məclisinə keçiriləcək seçkilərdə ilk dəfə səs verəcək rayon gəncləri ilə konfrans keçirilmişdir.
Konfransda 60 nəfər gənc iştirak etmişdir. Konfransın keçirilməsində məqsəd 18 yaşına yeni çatmış və ilk dəfə səs verəcək gənclərin seçki prosesi ilə yaxından tanış edilməsi, onların bu proseslə bağlı maarifləndirilməsi, hüquqlarının öyrənilməsi, eyni zamanda gənclərin seçkilərdə yaxından iştirakını cəlb edilməsidir.
Konfransda Nərimanov Rayon Ağsaqqallar Şurasının sədri Miri Həsənov, “Təfəkkür” Universitetinin Tələbə-Gənclər Təşkilatının sədr müavini Asəf Cabbarlı, “Yeni Gələcək” Gənclərin Maarifləndirilməsi İctimai Birliyinin sədr müavini Ləman Muradova, Azərbaycan Dövlət Bədən Tərbiyəsi və İdman Akademiyasının Tələbə-Gənclər Təşkilatının sədr müavini Teymur Mustafayev və digər şəxslər iştirak edərək çıxış etmiş və gəncləri maraqlandıran sualları cavablandırmışlar.
