«Seçmək və seçilmək sənin konstitusiya ilə təsbit olunmuş hüququndur» mövzusunda rayon toplantısı keçirilmişdir.
Yasamal rayon Gənclər və İdman İdarəsi tərəfindən Yasamal rayon İcra Hakimiyyətinin akt zalında «Sənin səsin – sənin gələcəyin» devizi altında «Seçmək və seçilmək sənin konstitusiya ilə təsbit olunmuş hüququndur» mövzusunda rayon toplantısı keçirilmişdir. Tədbirdə ilk dəfə səs verəcək bir qrup rayon sakinləri olan gənclər, habelə rayon ərazisində fəaliyyət göstərən ali və orta ixtisas мəktəblərində təhsil alan ilk dəfə səs verəcək bir qrup gənc iştirak etmişdir. Bundan əlavə, toplantıya Yasamal rayonu ərazisində fəaliyyət göstərən Dairə Seçki Komissiyalarının sədrləri, ictimai təşkilatların, QHT-lərin nümayəndələri dəvət olunmuşlar.
Toplantını açıq elan edən Yasamal rayon Gənclər və İdman İdarəsinin rəisi İlham Səfərov tədbir iştirakçılarını qarşıdan gələn Azərbaycan Respublikasının Milli Məclisinə seçkilərində fəal olmağa çağırmış, onların konstitusion hüquqlarından istifadə edərək layiqli namizədə səs verəcəklərinə əmin olduğunu bildirmişdir. Çıxışlara başlamazdan öncə seçki günü 01 noyabr 2015-ci il tarixdə 18 yaşı tamam olacaq və ilk dəfə olaraq səs vermə hüququ əldə edəcək Yasamal rayon sakini Cəfərova Aydan Azər qızı doğum günü münasibəti ilə təbrik edilmiş və ona xatirə hədiyyəsi təqdim edilmişdir. Sonra İ.Səfərov «Heydər Əliyev və Azərbaycan parlamentinin tarixi» mövzusunda çıxış etmiş, dövlətimizin parlament ənənələri barədə toplantı iştirakçılarına geniş məlumat vermişdir.
Tədbirdə Yasamal rayon İcra Hakimiyyətinin Başçısı İbrahim Mehdiyev, Bakı şəhər Gənclər və İdman Baş İdarəsinin rəisi Raqif Abbasov, Azərbaycan Milli Elmlər Akademiyasının İnsan Hüquqları İnstitutunun şöbə müdiri, Bakı Dövlət Universitetinin Beynəlxalq Ümumi Hüquq kafedrasının professoru, hüquq üzrə elmlər doktoru Əfsər Sadıqов, 17 saylı Yasamal üçüncü Dairə Seçki Komissiyasının sədri Qədir Kərimov iştirak etmiş və proqrama müvafiq olaraq nəzərdə tutulmuş mövzularda çıxışlar etmişlər.
Tədbirin sonunda parlament seçkiləri ilə əlaqədar ilk dəfə səs verəcək gəncləri maraqlandıran suallar müvafiq qurumların nümayəndələri tərəfindən cavablandırılmışdır.