“Vətənini tanı” adlı intellektual bilik yarışması keçirilib

   Bakı şəhər Gənclər və İdman Baş İdarəsi və Suraxanı rayon Gənclər İdman İdarəsinin birgə təşkilatçılığı ilə Suraxanı rayon məktəbliləri arasında “Vətənini tanı” adlı intellektual bilik yarışması keçirilib. Yarışın əsas məqsədi gənclərin intellektual səviyyəsinin yüksəlməsinə şərait yaratmaq, istedadlı gəncləri üzə çıxarmaq, onların milli-mənəvi dəyərlər və Azərbaycan tarixi haqqında daha geniş biliklərə sahib olmalarına kömək göstərməkdir.

   Suraxanı rayon Gənclər Evində baş tutan açılış mərasimində çıxış edən BŞGİBİ-nin gənclərlə iş sektorunun müdiri Zamin Əhmədov keçirilən yarışın əhəmiyyətini qeyd edərək iştirakçıalara uğurlar arzulamışdır. Daha sonra komandaların iştirakı ilə yarış başlamışdır.

   Qalib komandalar diplom və hədiyyələrlə mükafatlandırılıblar.