Ələkbər Məmmədovun xatirəsinə həsr olunmuş futbol turnirinə yekun vurulmuşdur.
Bakı şəhər Gənclər və İdman Baş İdarəsinin tədbirlər planına müvafiq olaraq əməkdar idman ustası, professor Ələkbər Məmmədovun xatirəsinə həsr olunmuş 15 aprel 2016-cı il tarixdən start götürmüş futbol turnirinə yekun vurulmuşdur. Turnirdə BİFM, Atəşgah, Vətən-I, Vətən-II, Təhsil RİM, RİOEUGİM, TİM, Vətən-III, Qaradağ, Ruslan komandalarını təmsil edən 200 nəfər futbolçu iştirak etmişdir.
Final oyununa vəsiqə qazanmış I-II yerlər uğrunda mübarizə aparan BİFM və RİOEUGİM komandaları arasında keçirilən gərgin oyundan 2:1 hesabı ilə BİFM komandası, III-IV yerlər uğrunda mübarizə aparan TİM və Atəşgah komandaları arasında keçirilən oyunda 3:4 hesabı ilə Atəşgah komandası qalib gəlmişdir. Beləliklə yarışda 1-ci yerə BİFM komandası, 2-ci yerə RİOEUGİM komandası, 3-cü yerə isə Atəşgah komandası layiq görülmüşlər.
Onu da qeyd edək ki, final oyunu Qaradağ Təlim İdman Bazasının stadionunda keçirilmişdir.
I, II və III yeri tutmuş komandalar Baş İdarə tərəfindən kubok, müvafiq dərəcəli diplomlar və xatirə hədiyyələri ilə təltif olunmuşlar.
