Breyn-ring intellektual oyunu keçirilmişdir.
Bakı şəhər Gənclər və İdman Baş İdarəsinin təşkilatçılığı ilə 20 nömrəli məktəb-liseyin 5-ci sinifləri arasında ilk dəfə olaraq ingilis dilində “Breyn-ring” intellektual oyunu keçirilmişdir. Nərimanov rayon Gənclər və İdman İdarəsinin rəisi Nəcəf Novruzov, Baş İdarənin gənclərlə iş sektorunun müdiri Zamin Əhmədov ilk öncə məktəbliləri salamlamış onlara bu yarışmada ugurlar arzulamışdır.
İntellektual oyunda 6 komanda iştirak edərək bilik və dünyagörüşlərini nümayiş etdirmişdir. Nəticələrə görə I yerə “5ç” komandası, II yerə “5e” komandası, III yerə isə “5d” komandası layiq görülmüşlər. Qalib gəlmiş komandalar Baş İdarə tərəfindən müvafiq dərəcəli diplomlar və xatirə hədiyyələri ilə təltif olunmuşlar.
Tədbirin keçirilməsində məqsəd şagirdlərin asudə vaxtlarını səmərəli təşkil etmək, mədəniyyətimizin, ədəbiyyatımızın, ana dilimizin, dinimizin, torpağımızın tarixini daha da dərindən öyrənməkdən ibarətdir.
