BAKI ŞƏHƏR MƏKTƏBLİLƏRİ ARASINDA VOLEYBOL (OĞLANLAR) ÜZRƏ TURNİR KEÇİRİLMİŞDİR

    Nərimanov rayonu 45 nömrəli tam orta məktəbin idman zalında Bakı şəhər məktəbliləri arasında voleybol (oğlanlar) üzrə turnir keçirilmişdir. Paytaxt məktəblərinin VII – IX sinif şagirdlərinin iştirakı ilə keçirilən yarışın nəticəsinə görə I yeri Xəzər rayonu 117 nömrəli tam orta məktəbin komandası, II yeri Xətai rayonu 221 nömrəli tam orta məktəbin komandası, III yeri Nizami rayonu 220 nömrəli məktəb – liseyin komandası tutmuşlar.
Yarışın bağlanış mərasimində Bakı Şəhər Gənclər və İdman Baş İdarəsinin baş məsləhətçi Salman Əbdülov, Bakı Şəhəri üzrə Təhsil İdarəsinin məsul əməkdaşı Valentina Sultanova və digər rəsmi şəxslər qalibləri təbrik etmiş, onlara gələcək yarışlarda müvəffəqiyyətlər arzulamışlar. Yarışda I, II və III yerləri tutmuş komandaların üzvləri Bakı şəhər Gənclər və İdman Baş İdarəsi tərəfindən müvafiq dərəcəli diplomlar və medallarla təltif olunmuşlar.