Roller və skeytbord üzrə Bakı şəhər turniri keçirilib.

     Paytaxtda roller və skeytbord üzrə Bakı şəhər turniri keçirilib.  Respublika Velotrekində baş tutmuş turnir Bakı şəhər Gənclər və İdman Baş İdarəsi (BŞGİBİ) tərəfindən təşkil olunub. Yarışda 14 yaşlı və daha yuxarı təvəllüdlü oğlanlar mübarizə aparıblar. Tədbirin keçirilməsində məqsəd yeniyetmə və gənclərin asudə vaxtlarının səmərəli təşkil olunması, roller və skeytbord idman növünün təbliği və inkişaf etdirilməsindən ibarətdir. Nəticələrə görə skeytbord üzrə I yeri Vaqif Mirzəyev, II yeri Fuad Dadaşov, III yeri isə Vüqar Gülbala tutmuşdur. Yarışda qalib gəlmiş idmançıların mükafatlandırılma mərasimindən sonra tədbir konsert proqramı ilə davam etdirilib.