Milli Aviasiya Akademiyasında Heydər Əliyev və Mülki Aviasiya Muzeylərinə ekskursiya təşkil olunmuşdur.
Xəzər rayon Gənclər və idman idarəsi Milli Aviasiya Akademiyasının nəzdində fəaliyyət göstərən Mülki Aviasiya ilə birlikdə, gənclər arasında vətənpərvərlik hisslərinin yüksəldilməsi, onlarda müstəqil dövlətçilik ənənələrinə hörmət və sədaqət hissinin gücləndirilməsi,qəhrəmanlıq nümunələrinin gənclər arasında təbliğedilməsi məqsədilə rayon gənclərinin Milli Aviasiya Akademiyasında Heydər Əliyev və Mülki Aviasiya Muzeylərinə ekskursiyası təşkil olunmuşdur. Ekskursiya zamanı gənclərə rəşadətli döyüş yolu keçmiş cəsur təyyarəçilərimizin qəhrəmanlıqları, Qarabağ müharibəsində iştirak etmiş mülki aviatorlarımızın rəşadətli döyüş yolu, aprel döyüşlərindəfədakarlıq və hünər göstərmiş təyyarəçilərimizin qələbəəzmi haqqında, mülki aviasiyamızın zəngin tarixi, Ümummilli Lider Heydər Əliyevin ibrətamiz həyatı və siyasi fəaliyyəti haqqında məlumat verilmişdir. Ekskursiyada rayonun orta ixtisas təhsil müəssisələrinin tələbələri və umumtəhsil müəssisələrinin yuxarı sinif şagirdləri iştirak etmişlər.