Tələbələr arasında “Nə? Harada? Nə zaman?” intellektual oyunu keçirilib.

        Təfəkkür Universitetində Bakı Şəhər Gənclər və İdman Baş İdarəsi və Nərimanov Rayon Gənclər və İdman İdarəsinin birgə təşkilatçılığı ilə  ali və orta ixtisas təhsil müəssisələrinin tələbələri arasında   “18 oktyabr – Dövlət Müstəqillik Günü” münasibəti ilə  “Nə? Harada? Nə zaman?” intellektual oyunu üzrə “Nərimanov Kuboku” keçirilmişdir.
Oyunun keçirilməsində məqsəd gənclərin intellektual səviyyəsini, dünyagörüşünü genişləndirmək, zehni inkişafını stimullaşdırılmaq, onlar arasında biliklərin və elmin nüfuzunu artırmaq, eləcədə asudə vaxtlarının səmərəli təşkil etməkdən ibarətdir.
Tədbirin açılış mərasimində iştirak edən Bakı Şəhər Gənclər və İdman Baş İdarəsinin rəis müavini Aydın Yusifov və Nərimanov Rayon Gənclər və İdman İdarəsinin rəisi Nəcəf Novruzov çıxış edərək gəncləri salamladılar və iştirakçılara uğurlar arzuladılar.

       Keçirilən oyunda rayon ərazisində yerləşən ali və orta ixtisas təhsil müəssisələrinin tələbələrindən ibarət 15 komanda iştirak etmişdir. Onlardan I yeri Azərbaycan Dövlət İqtisad Universitetinin komandası, II yerə Azərbaycan Kooperasiya Universitetinin-I komandası, III yerə isə Azərbaycan Kooperasiya Universitetinin-II komandası tutmuşdur.
Qalib gələn komandalar diplom və medallar ilə təltif olunmuşdur.