Məktəblilər arasında “Breyn-ring” intellektual oyunu keçirilmişdir.

         Rəşid Behbudov adına Mahnı Teatrında Bakı şəhər Gənclər və İdman Baş İdarəsi və Xəzər İntellektual Gənclər Klubunun birgə təşkilatçılığı ilə  18 oktyabr-Azərbaycanın Dövlət Müstəqillik gününə həsr olunmuş Bakı şəhəri üzrə orta ümumtəhsil müəssisələrinin şagirdləri arasında “Breyn-ring” intellektual oyunu keçirilmişdir. Tədbirdə Baş İdarənin rəisi Raqif Abbasov, Xəzər İntellektual Gənclər Klubunun sədri Seymur Teymurov   ilk öncə məktəbliləri salamlamış onlara bu yarışmada ugurlar arzulamışdır. Yarışda 22 komanda iştirak etmişdir. Nəticələrə görə I yerə Binəqədi rayonunun “Pandora” komandası, II yerə Nəsimi rayonunun “Qafqaz-Klan” komandası, III yerə isə  Xətai rayonunun Zəkalar komandası  layiq görülmüşlər. Qalib gəlmiş komandalar Baş İdarə tərəfindən müvafiq dərəcəli diplomlar və xatirə hədiyyələri ilə təltif olunmuşlar.

        Tədbirin keçirilməsində məqsəd gənclərin asudə vaxtlarını səmərəli təşkil etmək, intellektual səviyyəsini, dünya görüşünü, zehni inkişafını stimullaşdırmaq, onlar arasında bilik və elmin nüfuzunu artırmaq, mədəniyyətimizin, ədəbiyyatımızın, ana dilimizin, dinimizin, torpağımızın tarixini daha da dərindən öyrənməkdən ibarətdir.