“QİÇS və Narkomaniyaya qarşı mübarizə” mövzusunda maarifləndirmə tədbiri keçirilmişdir.

      Xəzər rayon Gənclər və İdman idarəsi 181№-li tam orta məktəbdə “Azərbaycan gəncliyi 2017 – 2021 – ci illərdəDövlət Proqramı”nın  5.2.1 bəndinin icrası ilə bağlı  “ 1 dekabr – Ümumdünya QİÇS – lə mübarizə günü” nə   həsr olunmuş gənclərlə “QİÇS  və Narkomaniyaya qarşı mübarizə” mövzusunda  maarifləndirmə tədbiri keçirilmişdir.

     Tədbirdə Xəzər rayon Gənclər vəİdman idarəsinin rəisi Vüqar Əliyev, Respublika QİÇS-lə Mübarizə  Mərkəzinin əməkdaşı Səbuhi Əliyev, 181№-li tam orta məktəbin direktor müavini Sevinc Abullayeva , 26 saylı BŞX–nin həkimi Zakir Cabbarov iştirak etmişdir.

           Tədbirdə iştirak edən qonaqlar mövzu ilə bağlı gənclərə ətraflı məlumatlar vermiş, narkomaniya və tütünün zərərləri haqqında videoçarx nümayiş etdirilmiş, narkotik maddələrin törətdiyi fəsadlar barəsində maarifləndirmə işi aparılmış, gənclər tərəfindən verilən suallara geniş cavab verilmişdir.