Skip to the content
Tacikistan Respublikasında MDB dövlətləri və Şanxay Əməkdaşlıq Təşkiatının gənclər və tələbələrinin iştirakı ilə “Tacikistan və İpək yolu: tarix və müasirlik” mövzusunda beynəlxalq festival keçirilmişdir. Festivalda Tacikistan ,Özbəkistan, Qazaxıstan, Qırğızıstan, Moldova və Rusiya ilə yanaşı Gənclər və İdman Nazirliyi tərəfindən ezam olunmuş Azərbaycan nümayəndə heyəti də iştirak etmişdir.
İlk öncə festival iştiarkçıları Düşənbə şəhərində yerləşən Tacikistan dövlətinin qurucusu və banisi olan İsmoil Somoninin abidəsi önünə gül dəstələri düzmüş və şəhərlə tanış olmuşlar.
Sonra festival iştirakçıları Soqdiy vilayətinə yola duşmüşlər. Yol zamanı gənclərimiz bir sıra maraqlı proqramlar, mədəni tədbirlərdə iştirak etmişlər.
MDB dövlətləri və Şanxay əməkdaşlıq birliyinin gənclər və tələbələrinin beynəlxalq festivalı çərçivəsində Tacikstanın Soqdiy vilayətində yay sosial – innovasiya məktəbi və innovasiya sərgisi keçirilmişdir. Təntənəli açılış mərasimnində Soqdiy vilayətinin sədr müavini Nazira Qafforzoda, gənclər və idman işləri üzrə komitənin sədr müavini Dilnoza Axmodzoda iştirak etmişlər.
Festivalda bir-birindən fərqli mövzuda və çoxlu sayda tədbirlər keçirilib. Azərbaycan nümayəndə heyəti “Tacikistan və “İpək yolu” : tarix və müasirlik “ movzusunda elmi- nəzəri konfransda iştirak etmişdir. Onlar “Qloballaşma prosesində gənclərin rolu”, “Terrorizm və ekstremizmə qarşı gənclərin rolu”, “Təmiz içməli suyun mühafizəsində gənclərin olu”, “MDB və ŞƏB ölkələrində könüllülər hərəkatının İnkişafı “ kimi digər mövzularla bağlı müxtəlif panellərdə iştirak edib, fəallıqları ilə başqalarından seçiliblər.
Gənclər “Kalyayi Muq”, “Arbob” sarayı, “İstiqlol”, “Kalyayi Xucand”, “Oşı Palav” kimi Tacikistanın tarixi-memarlıq komplekslərini ziyarət etmişlər.
Festivalın sonuncu günündə “Dostluq səsi” gənclər festivalı keçirilmişdir. Azərbaycanı təmsil edən Rolan Seyidov uğurla çıxış edərək tədbir iştirakçıalrının rəğbətini qazanmışdır.
.