Basketbol üzrə Bakı şəhər zona yarışına yekn vuruldu.
Məktəblər arasında respublika çempionatının proqramına uyğun olaraq oğlanlardan ibarət məktəb komandaları arasında basketbol idman növü üzrə Bakı şəhər zona yarışına yekun vurulub. Sərhədçi İdman Olimpiya Mərkəzində keçirilən oyunlarda Şuşa, Zəngilan və Bakının 12 rayonunun məktəb komandaları mübarizə aparıb. Yarışların nəticəsi olaraq I yeri Xətai rayonu 269 nömrəli tam orta məktəbin, II yeri Səbail rayonu 160 nömrəli tam orta məktəbin, III yeri Nizami rayonu 220 nömrəli tam orta məktəbin komandası tutub.
Çempionatın əsasnaməsinə uyğun olaraq zona yarışlarında I və II yeri tutan komandalar final mərhələsinə vəsiqə qazanıb. Qalib komandalara müvafiq dərəcəli diplomlar təqdim olunub.
