Vinq-çun döyüş sənəti üzrə Bakı şəhər çempionatı keçirilmişdir.

     Bakı şəhər Gənclər və İdman Baş İdarəsi və Vinq-çun Döyüş Sənəti Federasiyasının birgə təşkilatçılığı ilə Bakı Biznes Universitetinin idman zalında Vinq-çun döyüş sənəti üzrə Bakı şəhər çempionatı keçirilmişdir. Çempionatda 16 klub və cəmiyyəti təmsil edən 200-ə yaxın idmançı mübarizə aparmışdır. Nəticələrə əsasən  40 kq çəki dərəcəsində Rəsul Əlizadə, 44 kq çəki dərəcəsində İsmayıl Sayadlı, 48 kq çəki dərəcəsində Cəfər İsmayılov, 52 kq çəki dərəcəsində Məhəmməd Rzayev, 56 çəki dərəcəsində Arzuman Quliyev, 60 kq çəki dərəcəsində Mirmuhəmməd Dadaşov, 65 kq çəki dərəcəsində Yusif Salmanlı, 70 kq çəki dərəcəsində Nihad Əşrəfov, 75 kq çəki dərəcəsində İbrahim Əliyev, 80 kq çəki dərəcəsində İxtiyar Əhmədov I yerə layıq görülmüşlər.

      Qaliblərə Baş İdarə tərəfindən müvafiq dərəcəli diplom və medallar təqdim olunub.